Дызайн і рэалізацыя бара крафтавага піва “Жажда” у горадзе Мінску
Smaha
Архітэктары: Дар’я Сямёнава, Алег Калянковіч, Арцём Армонік, Аляксей Гнацюк
Фатограф: Аляксандра Канончанка
Месца: г. Мінск, вул. Ленінградская, 2
Плошча: 55,02 м.кв.
Год: 2020
“Жажда тэпрум” – гэта гісторыя пра сяброўства трох хлопцаў, што марылі мець свой уласны крафтавы бар. Дызайн бара мае сваё аблічча і адрозніваецца ад іншых месцаў падобнага зместу. Асноўная ідэя ў стрыманасці – галоўны акцэнт ідзе на сам напой. Брутальная стойка з кранамі, нетрывіяльны падыход да асвятлення і афармлення столі, наяўнасць “чэк-ін” зоны для карыстальнікаў Untappd – усё гэта стварае непаўторную атмасферу месца.
Дызайн-праект бара: https://goodproject.by/project/smaha/
Рэалізацыя: https://goodproject.by/project/realised-smaha/
Месца
Бар крафтавага піва “Жажда” знаходзіцца на вуліцы Ленінградская, 2 у горадзе Мінску. Тэрытарыяльна вельмі зручнае месца для наведвальнікаў: у цэнтры горада, побач станцыя метро “Плошча Леніна”, Міхайлаўскі сквер, чыгуначны вакзал і офісныя будынкі. Таксама вельмі блізка знаходзіцца вуліца Карла Маркса з рэстаранамі і барамі, якая з’яўляецца месцам прыцягнення турыстаў і тутэйшых адпачывальнікаў.
Памяшканне
Да пачатку праектавання памяшканне ўяўляла сабой прастору з аздабленнем і абсталяваннем, якое маральна састарэла, таму не было мэты нешта пакідать. Высокая столь і панарамнае шкленне з’яўляюцца відавочнымі плюсамі галоўнай залы бара. Падчас распрацоўкі дызайн-праекта бара планіроўка была амаль цалкам захавана, за выключэннем мантажа перагародак для халадзільнага пакоя, дзе знаходзяцца кегі з півам.
Канцэпт-праект
Піўная зала бара – гэта невялікае памяшканне з рознымі відамі пасадкі на 30 чалавек і стаячымі месцамі ля стала-швелера. Канструкцыя мэблі бара разлічана пад піўную стойку на 15 кранаў разліўнога піва ў спалучэнні з барнай сталешніцай, дзе ёсць 3 пасадачных месца і падыход да касы. Непасрэдна побач з барнай стойка знаходзіцца халадзільны пакой, каб траса півапровада была мінімальнай. Уваход у санітарны вузел адасоблены ад асноўнай залы калідорам-гардэробам. Тэхнічнае памяшканне з функцыяй склада таксама змешчана незаўважна для наведвальнікаў.
Эксплікацыя
1. Піўная зала бара
2. Халадзільны пакой для захоўвання кег з півам
3. Калідор-гардэробная
4. Санітарны вузел
5. Тэхнічнае памяшканне, склад
Барная зона
Канструкцыя мэблі бара атрымалася дастаткова брутальнай: металакаркас, што трымае барную сталешніцу, мы вырашылі аздобіць звонку пафарбаванай сілікатнай цэглай з круглымі адтулінамі, якія задаюць пэўны рытм. Гэта дастаткова практычнае рашэнне з пункту гледжання зносаўстойлівасці. Барная сталешніца з ясеня атрымалася вельмі прыемнай тактыльна. Злева ад бара была прадугледжана “чэк-ін” зона для карыстальнікаў Untappd. Гэта фота-зона для аматараў піва, якая ўяўляе сабой кансоль-швелер з верхняй падсветкай.
Аздабленне бара
За канструкцыяй бара знаходзіцца сценка з меню і паліцамі для піўных келіхаў. Меню выраблена маскоўскай фірмай Kontorasdekorom з асобных літар на празрыстым пластыку, якія ўсталёўваюцца на драўляныя планкі. Фонам для меню стала глянцавая белая кафля KERAMA MARAZZI калекцыі “Калейдаскоп” памерам 200х200 мм. На кантрасце з усімі матавымі паверхнямі інтэр’ера глянцавая кафля адлюстроўвае святло светадыёдных свяцілен над барам і гэта стварае цікавы эфект. Свяцільні на дадзенным аб’екце ад салона святла MASSIVE.
Мяккая пасадачная зона
Доўгая лінейная модульная канапа дае магчымасць саставіць прастакутнікавыя сталы адзін да аднаго і змесціць вялікую кампанію людзей. У цокале канап прадугледжаны разеткі для падключэння ноўтбукаў. Неонавы надпіс “THIS IS FOR THE HEARTS STILL BEATING” – гэта акцэнт інтэр’ера і амаль першае, што бачаць наведвальнікі пры ўваходзе ў залу. Увесь неон для “Жажда тэпрум” выраблены кампаніяй Multilight.by.
Праектар
Для захавання вышыні столі былі выкарыстаны накладныя трэкавыя і падвясныя свяцільні, а таксама вонкавая разводка электрыкі на столі. Кірунак кладкі правадоў дадае дынамікі памяшканню. Цікавосткай бара з’яўляюцца чорна-белыя кінастужкі, якія праецыруюцца праектарам на бетонную сцяну. Перыядычна ў бары ладзяцца тэматычныя кінапрагляды па пажаданнях наведвальнікаў, што надае пэўнай сямейнай атмасферы падчас прагляда.
Бетон і чорны колер
Прадумваючы канцэпцыю інтэр’ера, мы хацелі “разрэзаць” па вертыкалі памяшканне піўной залы на два аб’ёмы: вялікі з тэкстурай бетона на падлозе, сценах і столі, і меншы цалкам амаль чорны аб’ём. Такі самы прыём, які візуальна павялічнае вышыню пакояў, быў ужыты і ў санітарным вузле. Дамагчыся гэтага атрымалася дзякуючы спалучэнню кафлі ITALON ад нашых партнёраў з салона “Дома пліткі” і дэкаратыўнай тынкоўкі OIKOS.
Зона стала-швелера і лядоўні
Стол-швелер – гэта дадатковыя стаячыя месцы для наведвальнікаў у праходзе ля лядоўні з бутэлечным півам. Дадзены элемент інтэр’ера зверху падкрэслены металічнай сеткай з падвясной штучнай зелянінай ад кампаніі Realtouch.by. Гэтая кампазіцыя сцэнтравана каля панарамнага вакна і дадаткова выконвае функцыю рэкламы для мінакоў на вуліцы. Над лядоўняй знаходзяцца адкрытыя паліцы для бутэлек ад рэдкіх асобнікаў піва.
Прыбіральня
Адмовіўшыся ад традыцыйнай канцэпцыі, што люстэрка павінна быць над рукамыйнікам, было вырашана, каб кожны наведвальнік перад сабой бачыў выраз: “YOU ROCK!”. Працягваючы бетонную тэматыку быў абраны рукамыйнік ад кампаніі BetON светла-шэрага колеру, які ўсталяваўся на металічную тумбу па індывідуальнай замове.
Аздабленне
Вялікае люстэрка вышынёй 2400 мм ад падлогі змесцілася па левай сцяне ад уваходу і візуальна пашырае памеры пакоя санітарнага вузла ўдвая. Астатняе здабленне ўяўляе сабой спалучэнне кафлі фарматам 1200х600 мм з дэкаратыўнай тынкоўкай. Каб патрымаць агульную стылістыку ў прыбіральні таксама была ўжыта штучная зеляліна на столі.
Дзякуй Вам!