Ландшафтны дызайн

Novaja Vioska L

Архітэктары: Аляксей Гнацюк, Алег Калянковіч, Вераніка Гнацюк
Месца: СТ Новая Вёска, Беларусь
Плошча: 0,079 га.
Год: 2023

Ландшафтны дызайн маленькага надзелу ў СТ Новая Вёска, Беларусь.

Кампактны і функцыянальны ландшафт дачнага ўчастку для сталага пражывання прадугледжвае стараннае планаванне і афармленне прасторы. Пры ўездзе на надзеле размешчаны навес для дзвюх машын і гаспадарчы блок, які забяспечвае абарону аўтамабіляў і зручнае месца для захоўвання прылад і абсталявання.

Уздоўж паўднёва-ўсходняга фасада дома запраектавана тэраса з лістоўніцы. Драўляны насціл пераходзіць у адкрытую кухню з барбекю і мяккай мэблевай групай пад ссоўным дахам. Атмасферу ўтульнасці на ўчастку дапаўняе зона адпачынку з ачагом, дзе самшыты служаць натуральным занаваннем і абаронай ад ветру. На невялікай тэрыторыі за домам размяшчаецца лясны сад з ягаднымі кустамі.

Ландшафтны дызайн маленькага надзелу аформлены з шырокім выкарыстаннем вечназялёных іглічных дрэў і кустоўя. Кампазіцыі дапаўняюць зёлкавыя травы, квітнеючыя мнагалетнікі і непатрабавальныя глебапоўкрыўныя расліны.

Instagram: goodproject.by