Varšava
Архітэктары: Дар’я Сямёнава, Алег Калянковіч, Аляксей Гнацюк, Вераніка Гнацюк
Месца: г. Варшава, Польшча
Плошча: 108,35 м.кв.
Год: 2025
Эклектычны дызайн інтэр’еру дома ў горадзе Варшава ў Польшчы.
Гэта ўжо не першы праект, пры распрацоўцы якога нам пашчасціла працаваць з вельмі смелымі кліентамі. Часам здавалася нават занадта смелымі! Але мы заўсёды адкрыты новаму і гатовы развівацца, каб ствараць індывідуальныя інтэр’еры, якія стануць роднымі для іх гаспадароў.
Стылістыка дызайну дома ўяўляе сабой вытанчанае спалучэнне сучаснай эклектыкі, арт-дэко акцэнтаў і неакласікі. Інтэр’ер насычаны тэкстурамі, шырокай палітрай колераў і дэталямі, якія хочацца разглядаць і вывучаць. У адзінай прасторы спалучаюцца празрысты пластык, высакароднае дрэва, аксаміт, метал і шкло, і гэта выглядае арганічна. Вялікая разнастайнасць элементаў асвятлення дадае індывідуальнасці: раскошная жырандоля над абедным сталом, акцэнтнае бра з ружовым шкляным плафонам і рознага выгляду кропкавыя накладныя свяцільні.
Асноўная прастора дома — гэта агульная зона кухні-сталовай-гасцёўні. Вялікай візуальнай плямай з’яўляецца П-вобразная кухня глыбокага цёмна-сіняга колеру з латуневымі ручкамі. Паўбарная стойка абапіраецца на скульптурныя тэракотава-чырвоныя ножкі — незвычайны, амаль тэатральны акцэнт. Абедзенная зона прадстаўлена лаканічным раскладным драўляным сталом з масіўным падстоллем. Мяккая група гасцінай — гэта кутняя модульная канапа ад кампаніі МЕХО з міксам падушак у кантраснай палітры.
Аздабленне сцен уяўляе сабой афарбоўку ў рознай каляровай гаме. Малдынгі і карнізы ORAC DECOR ужытыя ў шматлікіх памяшканнях і надаюць пластычнасць гладкім паверхням сцен і столяў. Адзінае падлогавае пакрыццё ў доме з пліткі FAP CERAMICHE запраектавана ў дзвюх канфігурацыях: французская ёлка і палубная дошка. Таксама ў дызайне шырока выкарыстана дробнафарматная плітка ад вытворцаў EQUIPE і WOW DESIGNEU.
Мабыць асноўнай задачай дадзенага дызайну дома ў Польшчы было знайсці баланс ва ўсёй разнастайнасці ўжытых матэрыялаў аздаблення, элементаў мэблі і асвятлення. Так яркія і выразныя дэталі гарманічна запаўняюць абсталяванне і не перагружаюць інтэр’ер, а робяць яго жывым і індывідуальным.
