Дызайн дамоў

Enierhietykaŭ

Архітэктары: Дар’я Сямёнава, Алег Калянковіч, Аляксей Гнацюк, Арцём Армонік
Месца: п. Энергетыкаў
Плошча: 125 м.кв.
Год: 2021

Сучасная класіка ў дызайне інтэр’еру прыватнага дома ў пасёлку Энергетыкаў.

Дызайн распрацоўваўся для часткі памяшканняў жылога дома з 15 гадовай гісторыяй. Абнаўленне інтэр’еру не прадугледжвала перапланіроўку, аднак прастору кухні-сталовай было прапанавана аддзяліць ад гасцёўні ссоўнай празрыстай перагародкай. 

Элементы сучаснай класікі прасочваюцца ва ўсім інтэр’еры. У аздабленні шырока выкарыстаны дэкаратыўныя карнізы, молдынгі, фігурная ліштва дзвярных праёмаў. Таксама адметнымі рысамі дадзенага стылю з’яўляецца выкарыстанне пластычных мэблевых фасадаў кухні, стэлажоў і кладка паркетнай дошкі “французскай елкай”. З папярэдняга інтэр’еру захаваліся: фатэлі і камін у гасцёўні, а таксама плітка на падлозе ў вітальні і тамбуры.

Насычаныя колеры афарбоўкі сцен, элементы асвятлення і азеляненне з’яўляюцца каляровымі акцэнтамі ў дадзеным дызайне. Матэрыялы аздаблення: паркетная дошка NUVOLE, італьянская плітка на падлогу APPARTAMENTO, фабра для сцен і ляпніна OIKOS. Элементы гатовай мэблі ад SANDALYECI, корпусная мэбля на замову – MEBART.

Сучасная класіка стала выдатным рашэннем для дадзенага аб’екта: добра падкрэслена вышыня столі, утоена адчуванне маленькіх вокнаў у памяшканнях. Дадзены стыль гарманічна спалучаецца з класічным інтэр’ерам іншых паверхаў дома. 

Instagram: https://www.instagram.com/goodproject.by/