Праектаванне фасадаў

Ivanaŭskija Aharodniki

Архітэктары: Аляксей Гнацюк, Алег Калянковіч
Месца: в. Іванаўскія Агароднікі, Беларусь
Плошча: 137 м.кв.
Год: 2023

Лаканічны дызайн-праект фасадаў аднапавярховага дома ў вёсцы Іванаўскія Агароднікі.

У гэтым праекце перад намі стаяла задача цалкам пераасэнсаваць аблічча аднапавярховага дома, абапіраючыся на ўжо ўзгодненую планіроўку і выкананыя маналітныя работы па падмурку. Характэрны сілуэт быў сфарміраваны дзякуючы двум аднасхільным дахам, якія візуальна падзяляюць дом на два аб’ёмы. Эфект узмацняе выкарыстанне розных матэрыялаў аздаблення. Светлая тынкоўка ва ўваходнай зоне скамбінаваная з актыўнай фактурай драўлянага планкена. З зваротнага боку дома ўжытая цёмная тынкоўка з расшыўкай, якая імітуе фібрацэментныя панэлі.

У якасці дахавага пакрыцця выкарыстаны клікфальц. Дадзены від даху вельмі даўгавечны і просты ў мантажы, у адрозненне ад класічнай тэхналогіі падвойнага стаячага фальца. Дызайн-праект фасадаў прадугледжвае адсутнасць навісяў даху, што таксама працуе на фармаванне мінімалістычнага аблічча дома. 

Instagram: goodproject.by